საწყისი / შესვლა / კონტაქტი

ბრძანება N 110/2

2023 წლის 02 ივნისი ქ. თბილისი

 

ადმინისტრაციის ხელმძღვანელის /კანცლერის/ თანამდებობის დასაკავებლად კონკურსის გამოცხადების შესახებ

 

„უმაღლესი განათლების შესახებ“ საქართველოს კანონის 21-ე მუხლის პირველი პუნქტის „ე“ ქვეპუნქტის და 23-ე მუხლის მე-2 პუნქტის და სსიპ - საქართველოს შოთა რუსთაველის თეატრისა და კინოს სახელმწიფო უნივერსიტეტის წესდების მე-13 მუხლის პირველი პუნქტის „ე“ ქვეპუნქტის და 21-ე მუხლის მე-3 პუნქტის და საქართველოს კულტურისა და ძეგლთა დაცვის მინისტრის 2014 წლის 7 ივლისის № 05/91 ბრძანებით დამტკიცებული საჯარო სამართლის იურიდიული პირის – საქართველოს შოთა რუსთაველის თეატრისა და კინოს სახელმწიფო უნივერსიტეტის წესდების მე-20 მუხლის საფუძველზე

 

ვ ბ რ ძ ა ნ ე ბ :

 

1. 2023 წლის 3 ივნისიდან გამოცხადდეს კონკურსი უნივერსიტეტის ადმინისტრაციის ხელმძღვანელის (კანცლერის) თანამდებობის დასაკავებლად.

2.  კანდიდატების რეგისტრაცია (საბუთების მიღება) დაიწყოს 2023 წლის 3 ივლისიდან  და გაგრძელდეს 2023 წლის 12 ივლისის   ჩათვლით.

3. ადმინისტრაციის ხელმძღვანელის (კანცლერის) კანდიდატი უნდა აკმაყოფილებდეს შემდეგ მოთხოვნებს:

• უმაღლესი განათლება (მაგისტრის აკადემიური ხარისხი)
• ეკონომიკის, ფინანსების ან/და მენეჯმენტის სფეროში მიღებული განათლება 
• ეკონომიკის, ფინანსების ან/და მენეჯმენტის სფეროში მინიმუმ 5 წლიანი გამოცდილება.
• უმაღლეს საგანმანათლებლო დაწესებულებაში ან განათლების/კულტურის სისტემაში მართვის მინიმუმ 5 წლიანი გამოცდილება.
• გამოცდილება ფინანსების მართვაში.
• გამოცდილება სახელმწიფო ან იურიდიული პირის რანგში მატერიალურ-ტექნიკური შესყიდვების მიმართულებით.
• სახელმწიფო ენის (ქართული) ცოდნა
• უცხო ენის (სასურველია ინგლისური) ცოდნა
• კომპიუტერული პროგრამების მართვის საშუალო დონე (მინიმალური მოთხოვნაა საოფისე და ინტერნეტ პროგრამები)

 

4. ადმინისტრაციის ხელმძღვანელის (კანცლერის) თანამდებობის დაკავების მსურველმა კონკურსში მონაწილეობის მიზნით უნდა წარმოადგინოს  №1 დანართში მითითებული დოკუმენტები.

5. კონკურსის შედეგები გამოქვეყნდეს საბუთების მიღების დასრულებიდან არა უგვიანეს ერთი თვისა.

6. დამატებითი ინფორმაციისთვის იხილეთ უნივერსიტეტის web.გვერდი:   http://tafu.edu.ge/; http://jobs.ge/;

7. კონტროლი ბრძანების შესრულებაზე დაევალოს კადრების და კანცელარიის სამსახურს.

8. ბრძანება ძალაშია ხელმოწერისთანავე.

ბრძანება შეიძლება გასაჩივრდეს თბილისის საქალაქო სასამართლოში მისი გაცნობიდან 1 თვის ვადაში, შემდეგ მისამართზე: თბილისი, დავით აღმაშენებლის ხეივანი № 64.

 

                                                       საფუძველი: 02.06.2023 წლის აკადემიური საბჭოს სხდომის

                                                                               № 9  დადგენილება.

 

გიორგი შალუტაშვილი

რ ე ქ ტ ო რ ი

დანართი №1

 

 

თანამდებობის დასახელება

ადმინისტრაციის ხელმძღვანელი (კანცლერი)

 

დამსაქმებელი

სსიპ - საქართველოს შოთა რუსთაველის თეატრისა და კინოს სახელმწიფო უნივერსიტეტი

 

თანამდებობრივი სარგო

2080 ლარი

 

სამსახურის ადგილმდებარეობა

თბილისი

 

სამუშაოს ტიპი

სრული განაკვეთი

 

ფუნქციები:

 

1. ხელმძღვანელობს უნივერსიტეტის ადმინისტრაციას;
2. უფლებამოსილია უნივერსიტეტის სახელით დადოს ფინანსური და ეკონომიკური გარიგებები;
3. ადგენს უნივერსიტეტის ადმინისტრაციის სტრუქტურის პროექტს და დასამტკიცებლად წარუდგენს უნივერსიტეტის კოლეგიურ ორგანოს ან წარმომადგენლობით საბჭოს;
4. ადგენს დამხმარე პერსონალის სამსახურში მიღების ერთიანი წესის პროექტს, მისი შრომის ანაზღაურების ოდენობისა და პირობების პროექტს და დასამტკიცებლად წარუდგენს უნივერსიტეტის კოლეგიურ ორგანოს ან წარმომადგენლობით საბჭოს;
5. ხელმძღვანელობს ფაკულტეტებისა და დამოუკიდებელი სამეცნიერო-კვლევითი ერთეულების მიერ საკუთარი ბიუჯეტის პროექტის შედგენასა და წარმომადგენლობითი საბჭოსთვის წარდგენას, წარმომადგენლობითი საბჭოს მიერ უნივერსიტეტის ერთიანი ბიუჯეტის პროექტის ფორმირებასა და დამტკიცებას;
6. ადგენს და რექტორთან ერთად ამტკიცებს უნივერსიტეტის საშტატო ნუსხას თანამდებობების დასახელების, რაოდენობის და ხელფასის მითითებით;
7. ნიშნავს და ათავისუფლებს უნივერსიტეტის ადმინისტრაციის თანამშრომლებს; თუ შტატგარეშე დასაქმებულებთან დებს შრომის ხელშეკრულებებს, განსაზღვრავს შრომის ანაზღაურების ოდენობას;
8. თავისი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს – ბრძანებებს;
9. ამზადებს შესრულებული სამუშაოს ყოველწლიურ ანგარიშს და დასამტკიცებლად წარუდგენს წარმომადგენლობით საბჭოს;

10. იღებს გადაწყვეტილებას:

10.1.  დასაქმებულებზე პრემიისა და მატერიალური დახმარების გაცემის შესახებ;

10.2. სტუდენტის სწავლის საფასურის გადახდის გადავადებაზე ან/და ზედმეტად გადახდილის დაბრუნებაზე;

10.3. უნივერსიტეტის დამხმარე ხასიათის ეკონომიკურ საქმიანობაზე;

11. უფლებამოსილია მოახდინოს საკუთარი უფლებამოსილების დელეგირება უნივერსიტეტის თანამშრომელზე.

 

მოთხოვნები:

1. უმაღლესი განათლება (მაგისტრის აკადემიური ხარისხი)
2. ეკონომიკის, ფინანსების ან/და მენეჯმენტის სფეროში მიღებული განათლება 
3. ეკონომიკის, ფინანსების ან/და მენეჯმენტის სფეროში მინიმუმ 5 წლიანი გამოცდილება.
4. უმაღლეს საგანმანათლებლო დაწესებულებაში ან განათლების/კულტურის სისტემაში მართვის მინიმუმ 5 წლიანი გამოცდილება.
5. გამოცდილება ფინანსების მართვაში.
6. გამოცდილება სახელმწიფო ან იურიდიული პირის რანგში მატერიალურ-ტექნიკური შესყიდვების მიმართულებით.
7. სახელმწიფო ენის (ქართული) ცოდნა
8. უცხო ენის (სასურველია ინგლისური) ცოდნა
9. კომპიუტერული პროგრამების მართვის საშუალო დონე (მინიმალური მოთხოვნაა საოფისე და ინტერნეტ პროგრამები)

 

წარსადგენი დოკუმენტები:

1. განცხადება აკადემიური საბჭოს სახელზე
2. პირადობის დამადასტურებელი დოკუმენტის ასლი
3. CV  ფოტოსურათით
4. უმაღლესი განათლების დამადასტურებელი დოკუმენტი
5. ეკონომიკის, ფინანსების ან/და მენეჯმენტის სფეროში მიღებული განათლების  დამადასტურებელი დოკუმენტი (სერტიფიკატი/ დიპლომი )
6. უმაღლეს საგანმანათლებლო დაწესებულებაში ან/და  განათლების/კულტურის სისტემაში მუშაობის გამოცდილების დამადასტურებელი დოკუმენტი.
7. 4 წლიანი სამოქმედო გეგმა და უნივერსიტეტის განვითარების კონცეფცია.

 

ü  კანდიდატის ასაკი არ უნდა აღემატებოდეს 65 წელს.

 

კონკურსის ეტაპები:

1. რეზიუმეების გადარჩევა;
2. კანდიდატებთან გასაუბრება;
3. კანდიდატის არჩევა აკადემიური საბჭოს მიერ;
4. კანდიდატის დამტკიცება წარმომადგენლობითი საბჭოს მიერ;

 

განცხადებების მიღება:

ქ. თბილისი, რუსთაველის გამზ. № 19 ან ელექტრონულ მისამართზე - info@tafu.edu.ge

საკონტაქტო ტელეფონი: + 995 32 2 999-411

 

 

უკან

ვებ გვერდის მფლობელია საქართველოს შოთა რუსთაველის თეატრისა და კინოს სახელმწიფო უნივერსიტეტი (c) ყველა უფლება დაცულია