- უნივერსიტეტი
- სასწავლო პროცესი
- სტუდენტური ცხოვრება
- ნორმატიული აქტები
- ხარისხის უზრუნველყოფა
- სამეცნიერო კვლევითი ინსტიტუტი
- სხვადასხვა
როგორ გავიარო რეგისტრაცია?
აუცილებელია სტუდენტთა, პროფესორ-მასწავლებელთა, თანამშრომელთა და ზოგადად მსურველთა რეგისტრაცია (ბარათის გახსნა).
თუ თქვენ ხართ საქართველოს შოთა რუსთაველის თეატრისა და კინოს სახელმწიფო უნივერსიტეტის ბაკალავრი, მაგისტრი ან დოქტორანტი, შეგიძლიათ ისარგებლოთ, როგორც სამკითხველო დარბაზით, ასევე აბონემენტით და გაიტანოთ წიგნები სასწავლო-სამეცნიერო ბიბლიოთეკიდან.
სამკითხველო დარბაზით სარგებლობისათვის თქვენ დაგჭირდებათ სტუდენტური ბარათი (სტუდბილეთი) ან მოქალაქის პირადობის მოწმობა. აბონემენტის განყოფილებაში უნდა წარმოადგინოთ სტუდბილეთი და ერთი ფოტოსურათი (3X4).
თუ თქვენ უნივერსიტეტის თანამშრომელი ხართ, შეგიძლიათ ისარგებლოთ ადგილზე მომსახურებისა და წიგნის გატანის უფლებით. აბონემენტით სარგებლობისათვის თქვენ დაგჭირდებათ მოქალაქის პირადობის მოწმობა, ერთი ფოტოსურათი (3X4) და ცნობა სამუშაო ადგილიდან.
თუ თქვენ უნივერსიტეტის სტუმარი ხართ, თქვენ მოგემსახურებათ მხოლოდ სამკითხველო დარბაზი. თქვენი მხრიდან საკმარისია მოქალაქის პირადობის მოწმობის წარმოდგენა.
რა ვადით და რამდენი წიგნის გატანა შემიძლია?
საუნივერსიტეტო ბიბლიოთეკის აბონემენტის განყოფილებიდან თქვენ შეგიძლიათ გაიტანოთ: სახელმძღვანელოები და მხატვრული ლიტერატურა – არაუმეტეს 2 კვირის ვადით;
ერთდროულად შეგიძლიათ გაიტანოთ არაუმეტეს 5 საბიბლიოთეკო ერთეულისა.
რომელი წიგნი არ გაიცემა ბიბლიოთეკიდან?
ბიბლიოთეკიდან არ გაიცემა:
• იშვიათი გამოცემები;
• წიგნი, რომლის მხოლოდ ერთი ეგზემპლარი ინახება ბიბლიოთეკაში;
• პერიოდული გამოცემები (ჟურნალი, გაზეთი);
• საბიბლიოთეკო დოკუმენტები;
• აუდიო, ვიდეო, კინო, ფოტო, ფონო დოკუმენტები;
• ენციკლოპედიები;
• ლექსიკონები.
თუ წიგნი დავაზიანე ან არ დავაბრუნე?
თუ მკითხველმა წიგნი დააზიანა ან არ დააბრუნა:
• საბიბლიოთეკო დოკუმენტის დაბრუნების ვადის გასვლიდან 30 სამუშაო დღის შემდეგ მკითხველი ვეღარ შეძლებს ბიბლიოთეკიდან საინფორმაციო რესურსის მის ფარგლებს გარეთ გატანას 1 წლის განმავლობაში.
• წიგნის დაკარგვის შემთხვევაში მკითხველი ვალდებულია ჩაანაცვლოს იმავე დასახელების წიგნით და საბიბლიოთეკო კომისიის მიერ დადგენილი სხვა აქტუალური ლიტერატურით.
შემიძლია თუ არა, ვისარგებლო პრინტერით, ქსეროქსით, სკანერის აპარატითა და კომპიუტერით?
• პრინტერით, ქსეროქსით, სკანერის აპარატით, კომპიუტერის აუდიო-ვიზუალური ტექნიკით სარგებლობისთვის თქვენ უნდა მიმართოთ ბიბლიოთეკის თანამშრომელს შესაბამისი მასალის მისაღებად.
• კომპიუტერით სარგებლობისას დაშვებულია:
- ტექსტების შეყვანა და რედაქტირება;
- ინტერნეტით მასალების მოძიება და გადმოწერა;
- ლიტერატურაზე მუშაობა ელექტრონული ვერსიებით;
- CD დისკების გამოყენება ბიბლიოთეკართან შეთანხმებით:
- ელექტრონული ფოსტით სარგებლობა;
- სასწავლო პროგრამებზე მუშაობა.
• თქვენ შეგიძლიათ ფონდში არსებული ელექტრონული ვიდეო, აუდიო და ტექსტური მასალებით სარგებლობა (დაშვებულია ამ მასალის ასლის გადაღება, საავტორო კანონმდებლობის გათვალისწინებით).
